IL GIORNALE DEL TIFOSO 


Le Zirudelle (il campionato raccontato in prosa dialettale)

STAGIONE 1999/2000

STAGIONE 98/99

CONGEDO DIALETTALE                     25/05/99              N.R. n° 17 del 16/05/99

 

RINGRAZIAMENTO ROSSO E BLU (Rubrica a cura di Sergio Vecchietti e Roberto Zerbini)

Anche se l'anno non si sta chiudendo come avremmo tutti sperato, sarebbe ingeneroso non ricordare con orgoglio e ammirazione le epiche gesta della "Mazzone-band", destinate a restare scolpite come un marchio indelebile nella nostra memoria. Abbiamo voluto farlo così, alla bolognese, ultilizzando un linguaggio che per la sua genuinità ben si accosta allo spirito di questa squadra. A chi fosse in difficoltà con la lettura del dialetto, consigliamo di farvi aiutare dal vostro vicino, magari un po' più anziano di voi. Scoprirete di avere qualcosa in comune ed un amico in più. Buon divertimento e arrivederci alla prossima stagione...Fòrza Bulàggna!!

LA SQUEDRA

Pri Bulgnìs, pri su tifus

i'en stè tòtt meraviglius...

o riseruv o titolér

a'gnè gninte da scartér...

i'en tòtt brév sti ragazù

quant i'an indòss al rosso-blu...

e st'etr'an a s'ràn tòtt là

a cantèr, cme tànt an fà:

"Il Bologna è uno squadrone

che tremare il mondo fa'"

ANDERSSON K.

Un sturnèl, un cumbattènt

c'và sò un smass soura tòtt quènt...

ANTONIOLI F.

In d'la pòrta a'n s'pàsa mai

c'me s'ai fòss un predintài....

BETTARINI S.

Un bel zòuvan, bòn 'd'zughèr

...e una gràn bela muièr....

BIA G.

A s'fa prést a pronunziéral

piò difézzil l'è tribléral....

BINOTTO J.

Se par chés al t'scapa vì

gara dura tgniri drì....

BOSELLI N.

Còn i balòn ca si và ed tèsta

bàn e spàss al t'fa la fèsta...

BRUNNER A.

Se un purtìr a'n zuga mai

l'è sicur, par lò l'è un guài....

CAPPIOLI M.

O risèrva o titolèr

a's dà sàmpr'un gran daffèr....

KOLYVANOV I.

Anc s'l'è Ròss, al dè d'incù

al so còr l'é rossoblù...

ERIBERTO C.

A marchéral soul té e lò,

s'al t'va vì ta n'al ciap piò....

FONTOLAN D.

Un biundèn, mégar stransè

mo al balòn 'gli dà dal tè....

INGESSON K.

A tòtt càmp, s'ai n'é di bòn

a gli mòsga i sgarlatòn...

LUCIC T.

L'è arivé soul l'étar dè

dai Svedis l'é garantè....

MAINI G.

Dòp che al Milan al s'là imprasté

pian pianén al s'é ambienté...

MANGONE A.

In difàisa l'é un colòs

cum te t'mov t'le sempr'adòs...

MAROCCHI G.

Enc s'al n'é piò un ragazél

gréna fina in'dal zarvél...

NERVO C.

L'é turné dòp quàtar mis

sèmpar qual, svelt e dezis...

PAGANIN M.

L'è un atleta sfurtuné

spàss l'è ròtt, e un po sfighé...

PARAMATTI M.

Se ed scartéral a t'é riusé

al vol dir 'ti bòn anca té...

RINALDI A.

Chi sl'asptéva, arivé què,

cl'era un difensòur acsè...

SANCHEZ C.

Un franzàis, chi l'sà cum l'é?

al s'é ròtt dòp a dù dé...

SIGNORI G.

Ai purtìr, quant l'è lè avsén

un po ai tràmma al quaiarén...

SIMUTENKOV I.

Stra i bulgnis l'è cinulén

svélt c'me un gàt e caicadén...

TARANTINO M.

Bàn e spàss al zuga d'drì

l'ha un bél nes e dù bon pì...

MAZZONE C. (Allenatore)

L'é un Rumàn da l'ànum bòn,

testa lòstra e un po bruntlòn...

mò con lò e tòtt lour qué

a's sén propi divartè!

GAZZONI FRASCARA G. (Presidente)

Un bulgnàis, parsòuna séria

cal s'ha tòlt da la miséria

l'ha una squédra frizzantina:

cal'gli dia dl'Idrolitina?

------------------------------------------------------------------------------------------

 

L'ALBUM DELLE ZIRUDELLE - STAGIONE 99/2000

Rubrica a cura di Roberto Zerbini e Sergio Vecchietti

 

Zirudela della settimana                                                              23/08/99

Rubrica a cura di Sergio Vecchietti e Roberto Zerbini

ZIRUDELA PAR L'AN NOV

Ment'ai sta finènd l'estèt

ai partéss al campionèt

e a turnèn a sufrìr, al stadio

o ènc a cà, taché le radio...

A cunfront còn l'an pasé

al Bulàggna l'è cambié

zert campion isn'en andè vì

mo ai n'è gnò etar du o trì!

Se San Locca al géss dabòn

e a gli dèss la so benziòn...

augurènd ai rosso-blu

ed cminzer a venzr'incù!

E acsé, al stadio, a s'prèv cantèr

cum a s'fèva tènt an fa:

" Il Bologna è uno squadrone

che tremare il mondo fa! "

-----------------------------------------------------------------------------------------------------

 

Zirudelle "da collezione"

BOLOGNA  -  TORINO   0 - 0

Al Bulàggna, còn al Turèn

l'ha tolt sò soul un puntlèn.

Lour, in òng dnénz a la pòrta

nuètar còn la mira stòrta.

Dop avàir tànt ataché

a la fèn a s'è parzé....

mo qual c'cònta, l'é sicur,

l'é che i nustar zugadur

co' al so nòv alenadòur

i'en in grèd ed fers unòur!

 

PARMA  -  BOLOGNA   1 - 1

La partida còn i Parmsàn

la n'è brisa finé bàn.

Un paràzz a cà d'lour lè

a l'avrev firmé anca mè

mo però, par cum l'è andè

cl'autogol al s'à mazè...

e acsé ènc st'an la s'è andé mèl

contr'i  "Rà" dal  "Culatèl"....

 

---------------------------------------------

Speciale Coppa Uefa

ZENITH  -  BOLOGNA   0 - 3

Quant i Ross i gén dabòn

què ai pirdè énc Napoleòn

mo al Bulaggna l'è andé bèn

nonostènt un fràdd da chèn...

e la RAI, chi birichèn

in s'n'èn gnénc mustré un pzulèn;

l'è listàss, nò a sèn piò bì

e a la fén ai n'avàn fat trì !

--------------------------------------------

 

BOLOGNA  -  REGGINA   0 - 1

Un Bulàggna scumbinè

con parécc infurtunè

forsi énc stòff dal giovedè

l'ha zughè propi acsè-csè

e a la fèn i calabris

piò cunvènt e piò dezis

còn un pò ed cul, c'an guasta mai

i s'an fat pasèr un guai...

 

MILAN  -  BOLOGNA   4 - 0

Ed psàir pèrdar a Milén

l'è prevest, e tòtt i al sén...

mo lour lè i sén de una péga

quesi cme picèr on c'chéga

e a iè poc da ster aligar

avènd vést cmi s'àn fat nigar...

sreni stè agli assénz ?  Mo sé,

a la vlèn mèttar par da lé !

 

-----------------------------------------

Speciale Coppa Uefa

BOLOGNA  -  ZENITH   2 - 2

Giovedè, stra al lòm e l'scur

sanza zenq , sì zugadur

contr'a i Ross, che en piotòst trést,

al bel zug a n'sè bsa vést

e a la fèn, co'l dù a dù

a san ste cuntènt tott dù.

 

Speciale Coppa Italia

SAMPDORIA  -  BOLOGNA   0 - 2

I tifus, i sampdorièn,

piò salvadig che i'indièn

stra al mlarènz e i murtarétt

ian tirè énc di rubinétt..

Al barsai l'era al purtir

gnénc al foss un funtanir...

e acsè i arbitro, incazzé

dòp a un témp i l'an farmé

ian dèt bàsta, piò zugher

e i s'lan dé vènta du a zer!

----------------------------------------------

 

BOLOGNA  -  LECCE   2 - 0

I leccìs, dmanga pasè

la Juventus i l'én sunè

mo a Bulàggna, finalmént,

ca iè turné a cà 'l zighént

i an purtè a cà du bì turtlèn

e lasé què tott trì i puntlèn.

Par Bulàggna e i rosso-blù

i "zighént" ades ien dù,

dù zuvnaz ed pura ràza:

òn al Dall'Ara e òn in Piàza!

 

PIACENZA  -  BOLOGNA   0 - 0

Nuetar a n's'eran mai scurdé

i zenq gnuc ciapè an pasé

mo ènc se lour i'eran òn d'mànc

par tott quant al second tàmp

incuntrénd i piacentèn

avan fat soul un puntlèn...

 

BOLOGNA  -  VERONA   0 - 0

Un Bulàggna a lus smurzè

con al Veron'na l'ha parzè.

Quesi quesi a n'so csa dir

quànt a vadd zért lavurir;

sénza zug, la mira stòrta

quesi mai un tir in porta

par fer gol, con la so' mira

ai vrè alménc Porta Galira.

 

VENEZIA  -  BOLOGNA   0 - 1

Al Venezia l'ha pruvè

atachénd cme un adanè

l'ha pruvè in tòtti al manir

ed cazérsl'in dal panir...

i'an fat gol in dla so' porta,

pò un rigòur con mira storta

e a si è mèss énc "San Pagliuca"

quesi brèv come ...."San Luca"

e acsè squédra e Guidulén

i'en gnò a cà con trì puntlén!

 

--------------------------------------------

SPECIALE  COPPA UEFA

ANDERLECHT  -  BOLOGNA   2 - 1

Dòp che i Bélg, inscalmanè

i s'avévan strapazè,

dòp avair rischié da bòn

chi s'in fèssan un vagòn,

avèn avò, quast l'è sicùr,

un cul grénd cme un masadùr...

e a cal gol dl'ultum mumént

gnarév fèri un monumént !

 

SPECIALE COPPA ITALIA

BOLOGNA  -  SAMPDORIA   2 - 0

Al Dall'Ara, còn i Dorién

la partida l'è ande bén.

Sanza gnénc un rubinàtt,

na' mlarénza o un murtaràtt,

a la fèn un dù a zer

acsè acsè, a ésar sinzer...

E al dè dòp, al Cap l'ha dètt :

incù, a Buso, ai dèn i librètt,

e a i'ariva Guidulén

cal s'arvisa un po' a un pritén....

 

Speciale Coppa Uefa

BOLOGNA  -  ANDERLECHT   3 - 0

Dòp l'andéta avevan pòra

che sti Belg' i s'fèssan fòra

mo agnè vérs, a gnè rasòn

se San Ptroni al dis dabòn,

e i tifus ien tòtt cuntént

d'un Bulàggna piò cunvént.

Strècca, strècca, pò, cs'importa

si èn fat gol in dla so porta?

Què a iè al mén ed Guidulén,

al so zug e..... al bumbardén !

---------------------------------------------

 

BOLOGNA  -  INTER   3 - 0

Contr'a chi, sénz'ombra ed dòbbi

l'ha i campiòn e un mòcc ed gòbbi

a s'penseva cla fòss dura

mo un Bulàggna in gran sverzura

còn trai scòpal in dal gruppòn

l'ha stiachè agl'i os al Bisòn

e acsè, al stadio, Guidolin,

àn srà mai piò "Busolin" !

 

UDINESE  -  BOLOGNA   2 - 1

La n'è brisa finè bèn

la partida coi friulèn.

A s'asptevan quél ed piò

dop c'avévan fat gol nò

però, dòp che lour i èn sgnè

nuetar a s'sren énc cuntintè

po', con un gol irregolér

chi èn pensè d'convalidér

al fa in mod che st'fe dù cònt

ti sicur: i èn fat sò un pònt !

 

BOLOGNA - FIORENTINA   0 - 0

Com al solit, còn i tuschén

la n'va mai a finir bén;

al paréva d'vaddr'un Derby

dal Bulaggna contr'al Mnerbi

con al merit, l'è sicur

ed sunéri cme un tambur.

Mo al purtir di Fiurintèn

l'ha ciapè énc i parpaièn

e a la fén csa s'è avanzé?

Zer a zer, cum l'è cminzé !

 

JUVENTUS  -  BOLOGNA   2 - 0

Quant t'incòntar zert squadròn

pèn d'baiuc e pèn d'campiòn

chi s'parmattan d'tgnir ed scorta

òn cl'insfilza spàss la porta...

e oltre tòtt tè ti pèn d'dsgràzi,

ti custràtt a pagher dàzi.

E al Bulaggna che a Turén

l'ha zughè còn i Juventén

pur con grénta e volontè

a la lònga a gli ha ciapè !

 

--------------------------------------------

SPECIALE COPPA UEFA

BOLOGNA  -  GALATASARAY   1 - 1

Contr'al Galatasaray,

cl'ha un nòm lòng c'an finess mai

gol d'Signori e tòtt cuntént

l'è ormai fàta, ormai ièn vént.

Mo, o San Ptroni l'era impgnè

o cal s'era indurmintè,

què, fra Sabat e Martedè

la furtuna l'è finè.

Nuetar quel avèn sbaglié

e a la fen lour i l'an parzé.        

 

SPECIALE COPPA ITALIA

INTER  -  BOLOGNA    2 - 1

Con 'na squédra un bel po' arpzè

pur còn un'Inter malandè

la partida a l'avén persa

parchè quel l'è ande a l'arversa.

Al s'avsina al dè d'Nadél

e a iè l'us d'regaler quél

mo a Milèn  i rosso blù

di regal i n'èn  fat dù !

 

SPECIALE COPPA UEFA

GALATASARAY - BOLOGNA   2  -  1

A sén gnò a cà da Istambul

con al breg atàis al cul.

A sperén c'finèssan prést

i regàl ca fén pr'al fést...

contr'ai Turc la s'è andé storta

e i s'èn mèss du gnuc in porta.

Avén pers sòul na batàglia,

dai Bulàggna, e gnént s'incàglia!

 

SPECIALE COPPA ITALIA

BOLOGNA  -  INTER   1 - 3

Tòtt avevn'un poc ed pora

cha da in Còppa i s'fèssan fora.

L'aqua c'gnéva zò d'sbalérz

l'ha rais l'arbitro un po guérz

e acsè al n'ha brisa vést bén

chi èn farmé al balòn col mén !

Al piuvéva, e qual cl'è un mel,

l'è piuvò énc in mez ai pel...

Forsi l'Inter l'ha avò indrì

qual che Dmanga i purtén vì !

----------------------------------------

 

BOLOGNA - ROMA  1 - 0

I'al sàn ènc al sòr d'clausura

cla srév ste una gara dura,

roba pàr di cumbatént

fèn a la fèn, còn agli ongg e i dént.

Mo Signori l'ha inventè

un "Sgnòur" gol, una slusnè,

e a descrivr'un gol acsè

ai vrév Dante, étar che mè !

Lòur ièn brév, e chi s'n'importa?

Nuétr'avèn Pagliuca in porta !

 

PERUGIA - BOLOGNA   3 - 2

Se òn l'um geva: ai Perugèn

nuétar, incù, ai fèn du gultèn,

avrev dètt: a la vinzén...

o, a la piz, a la parzén !

L'è andè incòsa par travérs

e a la fèn nuetar avan pérs.

Un quaic sbali là de drì

acsè lour i n'èn fat trì

con l'aiut, tént par cambiér

d'un gol cl'era irregolér !

 

BOLOGNA - CAGLIARI  1 - 0

Quant ai vèn l'Epifani,

totti al sfig la porta vi

parchè con i Cagliaritèn

a dirév cla s'é ande bèn...

Còn chi tir incontr'a i pel

a la psèvan enc plèr mel,

si eran sòul piò zò trai dida

a s'pirdèva la partida !

 

LAZIO - BOLOGNA   3 - 1

I Rumén bianco-zelèst

i'eran pronti a fer dal fèst

e tòtt quant i'eran dezis

d'fer la festa énc ai Bulgnis.

A s'é dètt: contr'ai lazièl

a n'avan bsa zughe mèl

mo però, a còcc e spintòn

lour tri gol e nuetar òn

e acsè dop i'én festegié

i zant an d'ativité !

 

BOLOGNA - BARI  1 - 0

Contr'a un Bari in grén svarzura

par nò vénzar l'è ste dura

e a cardeva, a son sinzér

cla finèss con al zér a zér;

mo quant l'era ormai finè

gol d'Signori e bona lè !

Un gran gol, fort e prezis

cl'ha fat ster zètt i Baris...

 

TORINO  -  BOLOGNA  2 - 1

A zughér contr'al Turèn

a speréva in un puntlèn

mo un  Bulaggna strascinòn

l'ha fat fer un figuròn

a una squedra che in du mis

li n'ha pèrs si o set sò dis...

In cà a s'vénz, mo còn fadiga

fora a s'pérd... ela soul sfiga?

 

BOLOGNA - PARMA  1 - 0

Contr'al Pérma, arbitro o sfiga,

ènc parzér l'era fadiga,

mo al Bulàggna l'è ste bòn

ed cambiér la tradiziòn.

Con un Kennet, un zighént,

testa ròtta e sanguinént

cumbaténd cme di adanè

la vitòria i l'an truvè.

E stavolta énc i "cusèn"

i l'an avò in dal bisachèn!

 

REGGINA  -  BOLOGNA  1 - 0

Fora ed cà, ormai l'è cér

l'è impussébil énc parzér.

Al bastéva, a ésar sinzer

énc un povar zer a zer,

mo énc se in cà a sén di leòn

fora a n'fén mai pora a inciòn.

E l'è améra la midgìna

cla s'ha fat tur la Reggina.

 

BOLOGNA - MILAN   2 - 3

Spàss l'è ste un aféri séri

incuntrer i "ROSSO-NERI"

e énc stavolta, i "ROSSO-BLU",

ciapé trì e fat sòul dù.

Mo cal gol chi n's'én bsa dé

a psén dir chi sl'èn graté

parchè po, in Televisiòn,

a s'è vest cal srév ste bòn.

E acsè dl'arbitro a iò dètt:

l'è "Farina" con i zarvètt!

 

LEGENDA: i "zarvètt" sono piccoli parassiti

della farina che la rendono immangiabile..!!

 

LECCE  -  BOLOGNA  1 - 1

Finalmént avén starzè

a cà dal Lecce avén parzè,

mo dop chi éran riuscè a sgnér

còn un gol poc regolér

quesi a m'era ciape pora

ed turnér a pèrdar fora.

Gran gol d'Beppe, par cambier

mo se nò! Chi è c'riésc a sgnér??

Par furtuna a l'avén nò,

al fa gol quesi soul lò !

 

BOLOGNA - PIACENZA  0 - 0

Al Piacénza l'è mèss mel,

Dmanga ai fén al funerel.

Tòtt al Stadio e tòtt sicur

ed sunéri cme un tambur,

mo ai n'avèvan soul la vòia

parchè al zug, l'è ste una nòia

che a nuetar, in piò d'on,

al s'ha fat gnir sò i "bilòn"...

al srév ste piò bel al derbi

dal Curtgéla contr'al Mnerbi!!

 

VERONA - BOLOGNA  0 - 0

A iè al dètt che là, a Veròn'na

...o cal piov oppur al tròn'na...

mo al Bulàggna ca gli è andé

l'ha sintò soul dal truné;

d'aqua, gnénc un squasadén

e avén purte a cà un puntlén,

però ai srév, tènt par cambiér

al mutiv par reclamér:

quant i atérn'un zugadòur

a s'dirév cal sia rigòur...

qual d'Veron'na i l'an vést tòtt

fora che òn, l'è quast al bròtt!

 

BOLOGNA - VENEZIA  1 - 1

Un Bulàggna inscalmané

con al Venezia l'ha ataché,

però sénza, e ormai l'è d'us,

tirér fora un ragn da un bus.

Dop che lour, còn soul un tir

i s'l'an mèss in dal panir,

con quéng corner contr'a òn

i Bulgnis i en ste soul bòn

ed purtér a cà un paràzz

nonostént al grén smanàzz.

Oh! Bulàggna, st'fe puc pònt

t'sblésg in Bi t'am per tòtt ònt!

 

INTER - BOLOGNA  1 - 1

A s'prév fer figura trésta

zughénd contr'ai Interésta

mo un Bulàggna difarént

da qual cl'era què ultmamént

cal pareva un batagliòn

a l'assélt dla pustaziòn,

l'ha fat vàddr'ai Milanis

cal sta strècc soul ai Bulgnis

cl'òn a òn chi én maritè

cumbaténd cme di adanè.

 

BOLOGNA - UDINESE  2 - 1

A Bulàggna i Friulén

i éran gnò par fér dal bén.

Mo i Bulgnìs i én colt i frut

dal so zug , e in du minut

còn du gol i én tolt indrì

chi puntlén chi s'purtén vì !

 

FIORENTINA - BOLOGNA  2 - 2

A penséri al pér  'na fola,

quant a s'zuga contr'ai Viola

l'è un destèn piotòst amér

che nò a s'posa soul parzér.

Un po' l'arbitro, un po' d'sfiga

par nò vénzar l'è fadiga,

énc se  st'an, sia in cà che fora

a i avén fat ciaper pora !

 

BOLOGNA - JUVENTUS  0 - 2

A incuntrer i bianc e nìgar

a iè poc da ster alìgar

mo i ragaz ed Guidulèn

i an tgnò bota fen a la fèn

e soul quant a i ern'in dis

la Juventus la s'ha stis,

con l'aiut ed cl'umarén

c'tén in bòcca al stuflarén.

Però, c'rabia perdr'acsè

quant ormai l'era finè!

 

ROMA - BOLOGNA  2 - 0

Un Bulàggna inesistént

pr'un gran pez quesi imputént

còn la Ròmma e i du rigur

dop a un po l'è avanzé al bur.

A s'prev ènc recriminér

soura un zért mod d'arbitrér,

l'è però sempar cla gnola,

e l'è ormai dvintè una fola.

L'è bele òura ed vénzar quél

se no què la s'pàila mél...

 

BOLOGNA - PERUGIA  2 - 1

Finalmént, con i Perugén,

avén fat chi tri puntlén

chi s'èn quesi purte fora

da cla zona cla fà pora.

Dop al gol dal dù a òn

a n'sén ste tranquèll inciòn,

e a la fén, a Guidulén

a iè gnò quesi un smalvén!

 

CAGLIARI - BOLOGNA  2 - 2

Contr'ai Sérd a s'féva i cont

ed purtér a cà i trì pont,

pò, da com a i éran mèss

al pareva ca s'pirdèss.

Mo a cavéras vì dai guai

San....Signori an ménca mai !

 

ZIRUDELA DLA STASON (99/2000)

A s'avsina ormai l'estét

e ai finèss al campionét.

Grazie! A tott i zugadur

dai piò zuvan ai piò....madur.

Grazie, par agli emoziòn

ed sunér un qualc squadròn.

Tént applausi, e anc un qualc féschi

sa s'curéva un po' trup réschi

e qualc volta a s'è avò pora

cha da in A i s'cazèssan fora!

E po inciòn al s'è scurdé

la gran sfiga ca iè sté:

fra infurtòni e arbitrag

an s'è mai manché al curag.

Grazie al Mister: Guidulén

cl'ha rischié un scarabacén,

e a vrev dir anc a Gazzòn

che, sal pò, al s'daga un squadròn

par psair dir a tòtt chi étar:

stra chi bòn ai sén anc nuétar !

 

ZIRUDELLE NON PUBBLICATE PER CHIUSURA CAMPIONATO (EDIZIONE TERMINATA)

BOLOGNA - LAZIO  2 - 3

La partida còn i Laziél

a la fèn la s'è ande mél

e l'è ande a finir acsè:

" fatti due e presi tre ".

Mo Signori, un fuoriclas,

par dou volt l'ha zughe l'as

còn du gol da antologì

chi s'an fat cascher in pì.

E incù a iè énc finè la pora

che da in A a s'psess ander fora.

Mo a sén tott un po dspiesò

che Marocchi an zuga piò,

avan pers un oman d'or,

tant auguri e grazie, ed cor !

 

BARI  -  BOLOGNA   1 - 1

Contr'al Bari a iè finè

un'annéda un po acsè, csè,

un parazz, un on a on

cal n'ha fat cuntant incion

mo a sén selv, e fèn a st'etr'an

i èn finè magòn e affàn.

E i tri mis ca iè st'estét

premma c'cmenza  al campionét

a stén a vàddar se Gazzòn

al s'regala un qualc campiòn !